Rojnameger Elîf Bayburt hat binçavkirin
Navenda Nûçeyan
Nûçegihana Ajansa Nûçeyan a Etkînê Elîf Bayburt, li Stenbolê di serdegirtina malan de hat binçavkirin.
Komeleya Rojnamegeran a Dicle û Firatê binçavkirina rojnameger bi peyamek şermezar kirin.
Komeleyê dîyar kir ku ew zextên li ser rojnamegeran şermezar dikin û daxwaz kir ku Elîf Bayburt demildest bê berdan.
Tirkiye di warî azadiya rojnamegeran de di rêzeke gelek xirab de ye.
Li gor daneyên Komeleya Lêkolînên Medya û Hiqûqê (MLSA) Ji 7ê Adara 2023an vir ve herî kêm 63 rojnameger û xebatkarên çapemeniyê li Tirkiyeyê di girtîgehê de ne.