Rojnameger Aydin Engin ku ev demek bû li nexweşxaneyê dihat dermankirin dûhî (25.03.2022) canê xwe ji dest daye. Engînî 8ê Adarê ji rakirine nexweşxaneyê û ji hingê ve tedawî didît.
Lê rewşa Aydin Engînî her çûye xerabtir bûye û herî dawî jiyana xwe ji dest daye.
Aydin Engîn kî ye?
Rojnameger Aydin Engîn roja 12yê reşemiya 1941ê li Odemîşa Îzmîrê hatiye dinê. Ev 53 sal in rojnamegerî dike. Berî rojnamegerî karê şanoyê jî kiriye. Di sala 1969an de bûye Midûrê Karên Nivîsaran a rojnameya heftena Yeni Ortam û ji wê demê de bê navber rojnamegeriya xwe domandiye.
Di sala 1974an de dela ligel jina xwe Oya Baydar û Yusuf Ziya Bahadinli kovara “Îlke” derdixe, di vir de bi navê “Tirmik” (Rapêlk) quncikê dinivîse ku heta berî mirina xwe jî bi heman navî quncik dinivîsand.
Di dema Derbeya 12yê Rezbera 1980’yî de çû derveyî Tirkiyeyê û 12 salan li Almanyayê wekî penaberê siyasî ma. Di sala 1991’ê de piştî efû derket vegeriya Tikrkiyeyê, kurtedemek li Girtîgeha Sagmalcilar raza û derket.
