Edîtorên Botan Timesê, kurt, zelal û kurmancî nûçeyên di rojeva kurdan û cîhanê de, li vê derê berhev dike.
Tevî dayîka Narînê û birayê wê 8 kes hatin girtin
Di çarçoveya lêpirsîna kuştina Narîn Gûranê de 9 kes bi daxwaza girtinê şandibûn dadgehê. Piştî dadgeha ku 7 saetan berdewam kir, 8 kes hatin girtin. Dayîka Narînê Yuksel û birayê wê Enes Gûran bi tohmeta ku “bûne hevkarê kuştina bi qestî” hatin girtin.
Narîn Guran di 21ê Tebaxê de winda bûbû û di 8ê Îlonê saet di 08.45an de termê wê di nav çem de di çewal de hat dîtin. Di çarçoveya lêpirsînê de endamên malbatê jî di nav de ji gund 22 kes hatin desteserkirin. Îfadeyên 22 gumanbaran yên li Edliyeya Amedê Alîkarê Serdozgerê Komarî û 3 dozgeran di 12 saetan de girtin. Piştî îfadeyan dozgeran daxwaza girtinê 9 kes şandin dadgehê.
3 jê bi şertê kontrola edlî bi giştî 13 kes serbest bûn.
Kesên hatine girtin û sûcên wan ev in:
Dayika Narînê Yuksel Guran û birayê wê Enes Guran bi tohmeta ku ‘“bûne hevkarê kuştina bi qestî” bi daxwaza girtinê şandin dadgehê.
Pismamê Narînê, Muhammet Kaya, dotmam Bîrsen Guran û Maşallah Guran, karkerê Salim Guranê girtî R.A. û Mehmet Selîm Atasoy û Mehmet Şevket Kaya bi tohmeta ku “piştgiriya sûcdar kirine, delîlên sûc li holê rakirine” bi daxwaza girtinê şandin dadgehê.
Weşanên Avestayê ‘Rastiya Kurdistanê’ çap kir
Weşanên Avestayê kitêbeka nû ya bi navê ‘Rastiya Kurdistanê’ çap kir û belav kir.
Kitêba Rastiya Kurdistanê ya Cemal Nebez ji alîyê Bernas Qerejdaxî ve ji erebî hatîye wergêran bo kurdî.
“Lêkolîneke objektîf ku pirsa kurd bi ziman û daxuyaniyên partî, aliyên ereb û kurd, bi baldarî dinirxîne. Tehlîlek zanistî ya rast li ser dîroka neteweya kurd a bi sedsalan û nifşan e. Armanceke kurt a felsefeya hêzên neteweperwer li Kurdistanê pêşkêş dike.” Çapên Yekîtiya Neteweyî ya Xwendekarên Kurd li Ewrûpa (1969)
“Em dereng mane rewşenbîrekî xwe yî mîna Cemal Nebez nas bikin, aşînayî berhemên wî bin û jê sûdê bigirin. Çi ye tişta ku me hewceyî kişifkirina Cemal Nebez dike û pêwîst dike em li fikir û xebatên wî xwedî derkevin? Cemal Nebez, yek ji wan rewşenbîran e, hê ji xortaniya xwe ve kurdekî ji xwe bawer û hişzelal bûye. Haya wî ji her çar parçeyên Kurdistanê, dîroka wan û dewletên wan î serdest hebû. Nebez tişta ku îro em di hesreta wê de ne temsîl dike: Neteweperweriyeke kurdî ya modern û serxwebûnxwazî û helbet siyasetek ku guh bide rewşenbîrên xwe yî xwedî aqil û riwangeyek ku ji ser axa Kurdistanê li cîhanê dinêrin, bi çav û aqlê xwe li neteweya xwe dinêrin, li ser difikirin û belkî fikra xwebûniyê û rewşenbîriya organîk. Nebez û berhemên wî li benda me ne ku ji nû ve bên kişifkirin, xwendin û nîqaşkirin, ji ber ku fikr û ramanên wî, riwangeha wî hê jî aktuel e.” Fexriya Adsay
Hunermend Rewşanê straneka nû weşand
Hunermend Rewşanê strana xwe ya nû “Bêrî” weşand û li ser platformên dijîtal belav kir.
Ev stran, yek ji stranên albuma nû Hinarê ye ku wekî Rewşanê daye zanîn, ew vê stranê wekî mizgînîya albûmeka nû belav dike.
Albuma Hinarê dê 18yê Cotmehê roja înê li ser hemû platformên muzîkê bê weşandin.
Di temamîya karîyera xwe da, cara ewil e albumek bi tevahî ji besteyên wê yên orîjînal pêk tê û hemû gotin ji alîyê wê ve hatine nivîsîn.
Gotin û mûzîka Bêrîyê ya Rewşanê bi xwe ye ku ev stran wekî refleksekê ji serpêhatî û çîroka wê der bûye.
