Piştî erdhejên bi lerza 7,7 û 7,6 ya li Mereşê hejmara qurbaniyên di erdhejê de jiyana xwe ji dest dane zêde dibe.
Li gorî daneyên herî dawî 35 hezar û 418 kesan jiyana xwe ji dest da.
Li gorî agahiyên ji aliyê AFADê ve hatiye belavkirin 195 hezar û 962 mexdûrên karesatê ji herêmê bo
parêzgehên din hatine veguhestin.
Kiliçdaroglu: Bi zanebûn leşkeran neşandin
Serokê CHPê Kemal Kiliçdaroglu dîyar kir ku hikûmet bi zanebûn leşkeran neşandiye herêma erdhêjê.
Wezîr Kurum: 50 hezar û 576 avahiyên ku divê bi lezgînî bên hilweşandin hene
Wezîrê Hawîrdor û Bajarvaniye Murat Kurum dîyar kir ku li gorî tesbîtên heta niha 50 hezar û 576 avahî hene ku divê bi lezgînî bên hilweşandin.
Wî anî ziman ku li herêma erdhejê xebatên tesbîtkirina zirarê dewam dikin û heta niha 387 hezar û 346 avahî hatine lêkolînkirin.Hat diyarkirin ku 279 hezar û 655 avahî sivik zirar dîtine yan jî zirar nedîtine.
13:09
Soylu: Li Antakyayê ji her 2 malan yek wêran e
Wezîrê Karên Hundir Suleyman Soylu li Mereşê civîna çapemeniyê li dar xist û got, “Li Antakyayê ji her 2 malan yek wêran dibe.”
11:09
Wezîrê Derve yê Ermenîstanê dê bê Tirkiyê
Wezîrê Derve yê Ermenistanê Mîrzoyan bo başkirina têkiliyên Tirkiye û Ermenistanê îro serdana Tirkiyê dike.
11:00
Yekem karwanê alîkariyên NYyê ji deriyê sînorî derbasî Sûriyê bû
Karwana alîkariyê ya yekem a Neteweyên Yekbûyî ji deriyê sînorî yê nû vebû derbasî Suriyê bû.
10:00
3 hezar û 170 erdhejên din jî çêbûn
Her wîha li gor daneyên AFADê hat gotîn ku li herêma erdhêjê 3 hezar û 170 erdhejên din jî çêbûne.
2 hezar avahî hilweşiya
Li Semsûrê û li navçe û gundên wê nêzî 2 hezar avahî hilweşiyane. Li gorî daneyên ewil zêdetirî 8 hezar avahî jî wekî avahiyên zêde xesar dîtine hatine tespîtkirin
Li Semsurê di seata 222an de 2 kes hate rizgarkirin
Li bajarê Semsurê ku bi erdhêjê wêran bê hê jî welatî ji bin kavilan bi saxî tên rizgar kirin.
DI roja 9’an a erdhejê de, li Semsûrê li Taxa Alîtaşiyê Fatma Gungor a 77 salî bi saxî ji bin kavilên Apartmana Merveyê hat derxistin.
Zarokê 12 salî Berat Yucel pişti 9 rojan hate xelaskirin.
sitesinden daha fazla şey keşfedin
Subscribe to get the latest posts sent to your email.
