Riha: Kurdên rayên xwe didin îqtidara AK Partîyê

Riha, bi navê xwe yê resmî Şanlıurfa, bi mîlyonan deng bo partîyên sîyasî depoya dengan e. Ev bajarê têde Ereb, Kurd û Tirk dijîn ji berê de ekserî nêzîkî partîyên li îqtidara Tirkîyê disekine. Li vî bajarî tesîra tradîsyona partîyên pro-Kurd têra xwe heye. Lê hinek Kurdên vî bajarî ji serê salên 2000î vir ve heyranên Recep Tayyîp Erdogan û partîya wî AK Partî ne.

Li benda axaftina Serokomarê Tirkîyê Recep Tayyîp Erdogan. Heyranên wî yên li mîtîngeka Riha bi awayekî rind xuya, navsere û kal û pîr in.

Ew navsere, kal û pîr dibêjin hem jiber rêberîya wî hem jî jiber naskirina heqên Kurdan ew ji Erdogan hez dikin.

Li gor heyranên Erdogan, kesên ji Tirkîyê û beyraqa wê hez dikin gerek e li ser şopa wî bin.

Heyranên Erdogan bo wî dibêjin ”Reîs”. Li Riha li Whatsapp û Instagramên navsere û kal û pîran fotograf û vîdyoyên bi hezkirina ”Reis” dagirtî çerx dibin.

Li ser bînayeka beledîyeyê, li ber minareyekê, bi gotinên referansa xwe ji straneka Riha digirin bi Tirkî mealen ”Em ji berê de Rihalî ne, bo Reîs sewdalî ne” hatiye nivîsîn.