Di hikûmeta nû ya Elmanyayê de keçeka kurd bûye wezîr. Li Elmanyaya nû ya Federal ji bo Wezareta Karûbarên Koçberî û Entegrasyonê Reem Abali hate hilbijartin.

Abali wek keçeka malbateke Keldanî ya ku penaberî Rûsyayê bûne û di sala 1996an de bi malbata xwe re çûye Elmanyayê. Abali li Moskovayê ji dayik bûye.

Abaliya ku li eyaleta Mecklenburg-Vorpommern berpirsa entegrasyonê bû, di hilbijartinên 26ê Îlonê de ji SPDyê ji bo Bundestagê weka parlamenter hatibû hilbijartin.

Abaliyê li Zanîngeha Azad a Berlînê beşa zanistên siyasî xwendiye.

Herweha Abaliyê bi kariyera xwe ya bilez jî bal kişandiye û di mehên ewil ên sala 2021an de bûbû endama SPDyê.

Bavê Reemê di nava pêşmergeyên ku li dijî rejîma Baas a bi pêşengiya Seddam Husên şer kirin de bûye.