Navenda Çanda Mezopotamyayê (NÇM) ragihand ku pîrozbahîya wê ya ser salvegera 31an hatiye qedexe kirin.
Hunermend û xebatkarên NÇMê dîyar dikin ku Qeymeqamîya Kuçukçekmeceya Stenbolê bi awayekî kêyfî rê li ber pîrozbahîyan girtiye.
Parlamanterê Partîya Demokratîk ya Gelan (HDP) Musa Pîroglu dîyar kir ku îqtidarê konser qedexe kiriye. Pîroglu da zanîn ku hunermend di nav de 25 hevalên wan hatine desteserkirin. Wî got ku îqtidar dijminîya li hember Kurdan, ziman û çanda wan didomîne.
NÇMê dîyar kiribû ku ewê di 17ê mehê de li Salona Yahya Kemal Beyatli ya Kuçukçekmeceyê konserekê bide.
Di bernameya NÇMê de Şahiya Stranan, Rastak, Mehmet Atli û Erdogan Emîr hebûn.
Qeymeqamîya Kuçukçekmeceyê da zanîn ku piştî vekolînan agahî bi dest wan ketine, li konserê îhtîmala çêbûna çalakîyên provokatîf û propagandaya rêxistina terorî heye. Li gor daxuyanîya qeymeqamîyê, li hemî mekanên vekirî û girtî çalakî hatine qedexekirin.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
