Desteya Bilind a Hilbijartinên Tirkîye (YSK) qedexeyên tûra duyem a hilbijartina serokkomarîya Tirkîyeyê ragihandin. Qedexeyên propagandeyê dê îro (şemîyê) di seat 18:00an da destpê dike û heta sibe seat 21:00an berdewam bike. Her wiha qedexeyên roja hilbijartinê jî 28ê Gulanê demjimêr 06:00 destpê dikin û dê heta seat 24:00an berdewam bikin wiha ne: 1- 28ê […]
Desteya Bilind a Hilbijartinên Tirkîye (YSK) qedexeyên tûra duyem a hilbijartina serokkomarîya Tirkîyeyê ragihandin.
Qedexeyên propagandeyê dê îro (şemîyê) di seat 18:00an da destpê dike û heta sibe seat 21:00an berdewam bike.
Her wiha qedexeyên roja hilbijartinê jî 28ê Gulanê demjimêr 06:00 destpê dikin û dê heta seat 24:00an berdewam bikin wiha ne:
1- 28ê Gulanê firotina vexwarinên bi alkol ji demjimêr 06:00 heta demjimêr 24:00 qedexe ye.
2- Roja hilbijartinê dê qahwexane, kafeyên înternetê û cihên giştî girtî bin û tenê li xwaringehan dê xwarin bê dayîn.
3- Dikarin dawetan piştî demjimêr 18:00an bikin.
4- Li cihên nîştecihbûnê ji derveyî hêzên emnî kes nikare çekê hilbigre.
5- Qedexeya propagandeyê 27ê Gulanê demjimêr 18:00 destpê dike û dê 24 demjimêran berdewam be. Roja hilbijartinê jî heta hemû sindoq neyên girtin divê propaganda, nûçe û weşan neyên kirin.
6- Roja hilbijartinê di navbera demjimêr 18:00 û 21:00an de tenê daxuyaniyên Desteya Bilind a Hilbijartinên Tirkiyê (YSK) tên weşandin û belavkirin.
7- 28ê Gulanê piştî seat 21:00an dê qedexeya weşanê bê rakirin.