Lêkolînek li ser şideta namûsê di nav Kurdên Herêma Kurdistana Iraqê û diyasporaya Brîtanyayê de hate weşandin
Botan Times, 11/04/2025
Pirtûka bi navê “Şideta li ser bingeha ‘Namûsê’: Tecribe û Stratejiyên Dijberiyê di nav Kurdistana Iraqê û Diyasporaya Kurdî li Brîtanyaya Mezin de” derketiye. Ev pirtûk bi hevkariya Navenda Lêkolînên Zayend û Şidetê, Zanîngeha Bristolê, Zanîngeha Roehamptonê û Saziya Çavdêriya Mafên Jinên Kurd hatiye amadekirin.
Şideta li ser bingeha namûsê, cûreyeka şideta malbatî ye ku li dijî jinan ji aliyê mêr, bav, bira an jî mêrên malbatê ve tê bikaranîn. Ev diyardeya civakî ku gelekî belav e, di dirêjahiya dîrokê de hebûye. Ev diyarde ne tenê li Ewropayê, lê belê ji çandên Afrîkayê heta Asyaya Başûr û Rojhilat, heta Amerîkaya Latîn jî tê dîtin.
Nazand Begikhani, Aisha K. Gill û Gill Hague nivîskarên vê pirtûkê ne ku ji Îngilîzî bo Kurdî ji aliyê Hikmet Îlhan ve hatiye wergerandin.
Rewşa şideta namûsê di cihanê de
Teşeya herî tund a şideta namûsê ku kuştina ‘namûsê’ ye, mixabin hîn jî bi berfireh e. Lê di dehsala dawîyê de, hinek siyasetên nû û kampanyayên çalakiyan nîşan dide ku ev pratîk dikare bê guhertin.
Xebata meydanî ya ku bingeh e ji bo vê pirtûkê, bi piştgiriya Hikûmeta Herêma Kurdistanê hatiye pêkanîn. Ev pirtûk, wek pêşengê vê guherîna siyasî ya nû û zor tê hesibandin.
Naveroka pirtûkê
Di pirtûkê de, tecribeyên jin û keçên ku rastî şideta namûsê hatine di nav Kurdên Herêma Kurdistana Iraqê û diyasporaya Brîtanyayê de hatine lêkolîn. Her wiha stratejiyên dijberî ku ji bo rawestandina vê cûre şidetê hatine pêşxistin jî hatine vegotin.
Çavkanî: Navenda Lêkolînên Zayend û Şidetê, Zanîngeha Bristolê, Botan Times
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
