Pêşangeha Hunermend Ahmet Guneştekîn a bi navê “Hafıza Odası” ya ku di 16ê Cotmehê de li Birca keçikê ya Amedê hat vekirin û wê heta 30ê Kanûnê vekirî bimîna 15 rojan berî wextê xwe xilas bû.

Rêvebirin û bikaranîna Birca Keçikê di destê Odeya Pîşesazî û Bazirganyê ya Amedê (DTSO) de bû. Pêşangeha Guneştekînî jî bi arîkarîya DTSOyê dihate pêşandin. Wezareta Çand û Turîzmê peymana rêvebirina Bircê nû nekiriye û ji dest Odeyê derxistiye. Lewra jî pêşangeh 15 rojan zû xilas bûye.

DTSOyê ji Wezareta Çand û Tûrîzmê daxwaza dirêjkirina peymanê kiriye, lê ji ber ku wezaretê bersiveke neyînî daye vê daxwazê ​​ev rewş derketiye holê.