“Kurd ji dadgehên Tirkiyeyê bê hêvîne çareseriyê li..”

Dadgeha Mafê Mirovan ya Ewropayê (DMME) aşkere kir ku di sala 2022yan de herî zêde serîlêdan ji bo dadgehê ji Tirkiyeyê hatiye.

Kesên serî li dadgehê dane li gorî sala borî sedî 3 zêdetir bûye.

Li gor Parêzer Sezgîn Dînç jî sedema vê yekê bê edaletiya dadgehên Tirkiyeyê ye.

Her çiqas ji wan serîlêdanan nayê zanîn jî ji wan çend Kurd in, li gor Parêzer Dinç hejmareke zêde Kurd di sala 2022an de li korîdorên Dadgeha Bilind li edaletê geriyane.

‘Baweriya Kurdan bi dadgehên Tirkiyeyê nayê’

Parêzer Dînçê ku li Mêrdînê kar dike ji bo hejmara bilind ya serîlêdanan dibêje,

“Dema dozeke mûvekileke min encam negire ango ji bo vekirina dozeke bên cem min raste rast dibêjin ‘em ê dosyayê bibin heta Ewropayê. Baweriya Kurdan her bi dadgehên Tirkiyeyê nayê ji ber wî çareyê li wir digerin.”

Parêzer Sezgîn Dînç

Kurd ji xwe di warê serîlêdana Dadgeha Ewropayê de ji salên 90an vir ve xwedî tecrube ne. Dozên kiryarên wan ne dîyar, şewitandina gundan û her wekî din ku ji dadgehên Tirkiyeyê encameke negirtin hemû birin Dadgeha Bilin. Hemû doz ji wir bi tazminat vegeriyan. Tirkiyeyê mehkum kirin. Ji ber wê ye ku Kurd her çavên wan li DMME ye.”

Parêzer Sezgîn Dînç

Li gorî daneyên Dadgeha Mafê Mirovan ya Ewropayê, Tirkiye bi 19 hezar û 850 dosyayan bû welatê ku herî zêde serlêdan li dadgehê kiriye.

Piştî Tirkiye bi 17 hezar û 50 serilêdanan Rusya bû dûyem, piştî wê jî bi 10 hezar serilêdanan Ukrayna di rêza sêyemde cih girt.

Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.