Nirxê lîreyê Tirkîyeyê careke din li hember dolar û pereyên biyanî dikeve. Nirxê dolarekî ji 13 lîreyî derbas kir.

Lîreyê Tirkî di meha Kanûnê de %50yî zêdetir nirxê xwe jidest dabû û 19-20ê mehê dolarekî ji 18 lîreyî derbas kiribû. Piştî roja 20ê Kanûnê Serokomarê Tirkiyê Recep Tayyip Erdogan, biryarên nû yê aboriyê eşkere kirin, nirxê lîre %33 zêde bûbû û dolarek heta 10.99 lîreyan daketibû.

Lîreyê Tirkî ji roja Duşemê ve, 27ê Kanûnê, bi awayekî berdewam nirxê xwe dikeve û îro dolarek gihat heta 13.33 lîreyan. Li gor biryarên nû yê aboriyê, welatiyên pereyên xwe wek lîre razînin bankayan, zirara wan a li hember dolar dê ji aliyê xezîneya dewletê ve bê dabînkirin.