Ji bo Ingilîzî Bitikîne

Li Tirkiyê rojeva hilbijartinê hêdî hedî germ dibe. Li aliyeke ve nîqaşên li ser namzetan li aliyê din ve jî nîqaşên li ser dîroka hilbijartinê hene.

Nîvîskarê rojnameya Hurîyetê Abdulkadîr Selvî, li ser mijarê nêrînên  Alîkarê Giştî yê AKPê Alî Îhsan Yavuz parve kir.

Yavuz dibêje, “Di derbarê dîroka hilbijartinê de heta niha serokkomarê me biryara xwe nedaye û dîrokek ji bo hilbijartinan negotiye.”

Li gor Yavuz hêj dîroka 18ê Hezîrane ji holê ranebûye.

Akşener: Dîrokeke ku tu bê hilbijartin tune ye!

Seroka Partîya IYI yê Meral Akşener jî tevlî nîqaşan bû û Serokkomarê Tirkiyê Recep Tayîp Erdogan hedef girt.

Akşenera ku di komcivîna partiya xwe de axivî û li ser guhertina dîroka hilbijartinê bang li  Erdogan kir.

Wê got, “Di 5 mehên bê de dîrokeke ku tu bê bijartin tune ye.”

Nîqaşên li ser dîroka hilbijartinê jî bi axaftina Omer Çelik dest pê kiribû.

Çelîk dîyar kiribû ku di meha Hezîranê de ji ber ku gelek kes derdikevin betlaneyê ew dixwazin hilbijartinê di demeke zûtir de çêkin.

Dîroka hilbijartinên serokomarîyê 18ê Hezîrana 2023yan e. Li gor qanunên Tirkiyê hilbijartin çar salan çarê çêdibe.