Akademîsyenê Kurd: Mutabakata Partiyên Muxalefetê bernameyek vala bû!

6 partiyên mixalîf ku ji CHP, ÎYÎ Partî, Partiya Saadet, Partiya Demokrat, DEVA û Partiya Pêşerojê pêk tê, bernameya xwe ya hikûmetê eşkere kirin. Di metnê de zêdetirî 2,300 soz cîh digre lê  ji wan yek jî ne ji bo kurdan bû.  Ev yek jî di nava Kurdan de rê li ber nîqaşan vekir. Ji […]

Akademîsyenê Kurd: Mutabakata Partiyên Muxalefetê bernameyek vala bû!
Akademîsyenê Kurd: Mutabakata Partiyên Muxalefetê bernameyek vala bû!
Gulistan Korban
  • 1 Şubat 2023 11:58
Akademîsyen Abdullah Kiran

6 partiyên mixalîf ku ji CHP, ÎYÎ Partî, Partiya Saadet, Partiya Demokrat, DEVA û Partiya Pêşerojê pêk tê, bernameya xwe ya hikûmetê eşkere kirin.

Di metnê de zêdetirî 2,300 soz cîh digre lê  ji wan yek jî ne ji bo kurdan bû. 

Ev yek jî di nava Kurdan de rê li ber nîqaşan vekir.

Ji Zanîngeha Alparslana Muşê Akademîsyen  Prof. Dr, Abdullah Kiran, li ser mijarê ji Botan Timesê re dibêje, “Mutabakata partiyên muxalefetê,  tu hevî ne da min, ne jî da kurdan. Bernameyeke vala bû.”

“Kî dikare mafê kurdan bide divê HDP bi wan re tifaqê bike”

Akademîsyen Kiranî diyar dike ku di bingeha hemû meseleyên li Tirkiyeyê de pirsa Kurd heye û dibêje,  “Kesên ku di derheqê çareseriya pirsa Kurd de tu fiqreke wan tune be li ser kîjan mutabakatê li hev bikin bila bikin ji Tirkiyêyê re demokrasîyê nayne. 

Prof. Dr, Abdullah Kiran

Li gor Kiranî, li Tirkiyeyê pirsgirêka demokrasîyê tune ye. Astengiya li pêş demokrasiyê heye e ew jî pirsgirêka Kurd e.

Kiran dibêje, “Partiyên muxalafetê ji bo vê pirsgirêkê nebînin divê kor bin.”

Cîvîna Masaya Şeşane

“MHP jî mafê Kurdan bide..”

Mixabin Kurd ji sîyasetê fêm nakin, HDP çi bike ji xwe nekare li Tirkiyeyê bibe îktîdar. Sîstem jî û sazend jî rê nade vê yekê. Ji ber wê, kî desthilat be ango kî pirsa kurd dikare çareser bike divê em bi wan re bazariyê bikin.

Eger îro Erdogan mafê Kurdan bide divê siyaseta Kurd bi wî re jî tifaqê bike. MHP jî bibe desthilatdar divê bi em wan re rûnin li ser mafê kurdan bazariyê bikin. Ji ber ku siyaset kareke hunerî ye.

Prof. Dr, Abdullah Kiran

“Akşener pêşwaziya koroyeke kurdî qebul nake!”

Prof. Dr, Abdullah Kiranî xemsariya partiyên muxalafetê ya bo pirsgirêka Kurd rexne dike dîbêje,

Akşener koreyeke kurdî bê peşwazîya wî, wê qebûl neke. Ka wê bi wan re çawa çareseriyêke çêbibe. Ez di şuna HDPê de bim ez  ê bi AKP re li rê ya li hev kirinê bigerim. Meseleya Kurdî ne meseleyeke şexsî ye divê ji bo berjewendiya civata Kurd kar û bar bê meşandin.

Prof. Dr, Abdullah Kiran