“Mirina Jeanne d’Arce ya din” dê li Stenbolê bê lîstin

Şanoya Bajêr a Amedê dê lîstika xwe “Mirina Jeanne d’Arce ya din” li Stenbolê pêşkêş bike.

Lîstik ya Stefan Tsanevîyê Bulgar e ku wergêra wê ji alîyê Dîlawer Zeraq ve hatîye kirin.

Derhênerîya lîstikê ji alîyê Berfîn Emektarê ve pêk hatîye.

Lîstika bi navê Mirina Jeanne d’Arce ya din li ser wê yekê hûr dibe ka îradeya mirovan çawa ji alîyê serdestîya îdeolojîyên wekî dîn û neteweperwerîyê ve tê dorpêçkirin. Ev lîstika bi hêmayên komedîyê ve têr û tejî, bi serkeftina mirovan ya li hemberî îdeolojîyên serdest diqede.

Lîstik 24ê Mijdarê li Avcilarê, 25ê Mijdarê li Ataşehîrê û 26ê Mijdarê jî li Şîşliyê bê nîşandan.

Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.