Fermandarê Hêzên Sûrîya Demokratîk (HSD) Mazlum Abdî di Washington Postê de ser operasyonên Tirkîyê nivîsî.

Mazlum Abdî di nivîsa xwe de dîyar kir ku di navbera Kurdan û Tirkan de nefret tune, lê rêberên Tirk bi tercîhên sîyasî dixwazin Kurdan wek gef bibînin.

‘’Em bawer dikin ku kokên wan şerên ku ewqas êş û elem anîne herêma ma sîyasî ne’’ Mazlum Abdî nivîsî.

Wî bang li bîragiştî ya navneteweyî kir ku rê li ber operasyonên Tirkîyê bigire û bo kêşeyên Kurdan çareserîyên demokratîk û sîyasî teşwîq bike.

Nivîsa Mazlum Abdî ya di Washington Postê de bi sernavê ”Em li Sûrîyê hevbenda Amerîka ya herî sadiq in. Me ji bîr neke” hat weşandin.

Koalîsyona bi pêşengîya Amerîka di têkoşîna dijî Dewleta Îslamî (DAIŞ) de bi HSDê re hevkarîyê dike.

Berpirsên Amerîkî didin zanîn ku operasyonên Tirkîyê zararê didin têkoşîna dijî DAIŞê û dibêjin ew bi tundî dijî wan operasyonan in. 

Da em bikarin rojnamegerîya kurdî bikin û tu van naverokan bibînî piştgirîya me bike... There are 2,389 magazines in Turkey, only the BotanTimes Weekly e-magazine reports in Kurdish. We also translate some of our news stories into English. Support us to keep this journalism going!