Li ser Netflixê rêzefîlma Xîlafetê diweşe ku tê da lîstikvanên kurd jî cih digirin.
Film li ser rêwitîya kesên rastgir e ku ji Swêdê diçin Sûrîye û Iraqê ji bo ku bibin endamên xîlafetê.
Lîstikvaneka kurd a filma Xîlafetê Ala Reyanî derbarê serborîya xwe ya filmê da ligel Rûdawê diaxive.
Beşek ji hevpeyvînê wiha ye:
“Kes ji Kurdan baştir nizane hûrgilîyên Kurdbûnê nîşan bide”
Ala Reyanîyê da zanîn ku ji bextê wê yê çê pisporekî leşkerî wekî şêwirmend bi tîma wan re hebû ku beşdarî şerê DAIŞê bûbû, ji derhêner re gotîye:
“Divê ew dîmen nebe ji ber ku kurd îşkenceyê nakin û ne tiştekî wiha ye ku li nik wan heye” û got, “êdî ew beş jê bir.”
Ala Reyanî di wê bawerîyê de ye ku di her warî de mafên Kurdan hatine xwarin û ku digihe warê hunerê jî gelek tiştên Kurdan hene ku divîyabû wekî xwe bihatana nîşandan lê nehatin nîşandan.
Ala Reyanîyê anî ziman:
“Divê em bi xwe destanên xwe bi hunerê vebêjin. Her wiha zaf girîng e ku em wekî Kurd beşdarî wan fîlman jî bibin ku kesên din ên ne Kurd wan çêdikin û rolên kesên Kurd di wan de hene.
Ji ber ku ti kes ji Kurdan bi xwe baştir nizane hûrgilîyên Kurdbûnê nîşan bide.”
Ji bo berdewamîya hevpeyvînê bitikîne.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
