Lîstika Çinûr promîyera xwe dike.
Lîstikeka nû ya bi navê Çinûr li şanoya kurdî zêde bû. Lîstik dê ji alîyê koma şanoyê Teatra Ba bê lîstin.
Çinûr lîstikeka bi farisî ye ku ji alîyê Ghotbedin Sadeghi ve hatîye nivîsîn. Wergêra lîstikê ji alîyê Cumhur Ölmez ji farisî bo kurdî û derhênerîya wê ji alîyê Şîlan Alagözê ve hatîye kirin.
Lîstika Çinûrê dê 1 û 2yê Berfanbarê li Şanoya Bajêr a Amedê saet 19:30an promîyera xwe bike.
Lîstikvanê Çinûrê Nazmî Karaman e ku Çinûr lîstikeka yekkesî ye.
Lîstika Çinûr bi piştgirîya Culture Civic û Yekitiya Ewropayê (YE) hatiye amade kirin
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Nazmî Karaman di hevpeyvîna ligel Ajansa Mezopotamyayê da, behsa naveroka lîstikê kirîye.
Naveroka lîstika Çinûrê
Şanogerek li Îranê dema zanîngehê di nava çalakiyekê de, evîndarê jinekê dibe. in di nava karê siyasî de ye û şanoger jî ji ber evîna xwe dikeve nava karê siyasî. Di sala 1953’yan de li Îranê darbeyek çêdibe û jina ku şanoger evîndarê wê dibe, tê kuştin. Beriya kuştinê, jin û şanoger bi hev re dizewicin. Piştî jin tê kuştin, şanoger jî sirgunî Sovyetan tê kirin. Şanoger 20 sal li welatê Sovyetan dimîne û piştre li wir nake û vedigere Îranê. Ji bo dîtina gora hevjîna xwe tê lê dibîne ku gora hevjîna wî nîne. Çîrok tevahî li ser vê yekê dizivire û behsa xwe, evîna xwe, darbeya 1953’yan çawa çêbûye dike.
