Hemasê li salvegera êrîşa 7ê Cotmehê moşek avêtine Tel Avîvê. Îsraîlîyan jî ji bo bîranîna qurbanîyên vê êrîşê merasim pêk anîne.
Teqînên li Beyrûdê
Teqînên mezin li başûrê Beyrûdê rû dane. Hêzên Îsraîlê êrîş birine ser paytexta Libnanê. Li bajarê Hayfayê yê Îsraîlê jî bi kêmanî 10 kes bi êrîşa moşekî ya Hizbullahê birîndar bûne.
Rewşa Xezeyê
Li Xezeyê, piştî ku artêşa Îsraîlê ferman daye ku sivîl ji kampê koçberên Cebalîyayê derkevin, herêm hatiye bombekirin. Di encamê de herî kêm 17 kes mirine, 9 ji wan zarok in.
Hejmara Qurbanîyan
Li Xezeyê, ji Cotmeha 2023ê ve 41 hezar û 909 kes di êrîşên Îsraîlê de mirine û 97 hezar û 303 kes jî birîndar bûne. Li Îsraîlê, di êrîşên 7ê Cotmehê de 1139 kes mirine û zêdetirî 200 kesî jî hatine revandin.
Çavkanî: Al Jazeera
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
