Li navçeya Kadikoya Stenbolê polîsan 4 ciwanên Kurd yên li ber stranên kurdî govendê digerandin desteser kirine.
Li gor agahîyên ku Ajansa Mezopotamyayê belav kirine, li perava modeyê ya Kadikoyê polîsan dest danîye ser hoparlera ciwanên Kurd.
Ciwanan bertek nîşanê helwesta polîsan dane û di navbera wan û polîsan da rageşî derketiye.
Polîsan gaza îsotê li ciwanan reşandiye û gule bera hewayê dane.
Piştî rageşîyê 4 ciwan ji alîyê polîsan ve hatine desteserkirin.
Komeleya Hiquqnazên Stenbolê jî li ser dimênên desteserkirina ciwanan li ser hesaba xwe ya Twîtterê daxuyanîyek belav kiriye.
Komeleyê da zanîn ku ew dê piştgirîyê bidin wan kesên hatine binçavkirin.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
