Serokatiya Rêvebiriya Karesatan û Rewşa Lezgîn (AFAD) aşkere kiriye ku li bajarê Amêdiyê erdhejek çêbûye.
Li gorî daneyên AFADê li Amêdiyaya Başûrê Kurdistanê bi mezinahiya 4.6an erdhejek pêk hat. Erdheja li Amêdiyê tesîr li Colemêrgê jî kiriye.
Li gorî daneyên AFADê erdhej saet 09.41an û 12,12 kîlometreya di bin erdê da pêk hatiye.
Bajarê Amêdîyaya Başûrê Kurdistanê û navçeya Çelê ya Colemêrgê nêzî sînor in û cîranê hev in.
6ê Sibatê da li navçeya Bazarcixa Mereşê du erdhêjên bi pîleya 7.7 û 7.6 çêbibûn û bandorê li 11 bajaran kiribû.
Di encamê da 50 hezar û 500 kes jiyana xwe ji dest dabû. Bi mîlyonan kes jî derbeder bibûn.
