Li mala sewîyan a Sudanê 11 zarok mirine

Li Sudanê şerê navxweyî hêj didome. Li mala sewîyan a bi navê ‘Maygomê’ 11 zarokan jiyana xwe ji dest dane.

Li gorî çavkanîyên tenduristîyê yên Sudanê li paytexta Xartûmê di mala sewîyan da ceyran qut bûye. Û ji ber şert û mercên kêm 11 zarokan jiyana xwe ji dest dane.

Zarokên ku jiyana xwe ji dest dane bi piştgirîya şênîyên taxê li goristana herêmê hatine definkirin.

Rêxistina Tenduristîyê ya Cîhanê (WHO) ragihand ku ji ber şer û pevçûnên ku li Sûdanê berdewam dikin, 850 kesan jiyana xwe ji dest dane û 5 hezar û 500 kes jî birîndar bûne.

Çi bûbû?

Li Sudanê di sala 2019an da xwenîşandanên girseyî dest pê kiribûn û di encamê da Serokkomarê wê demê Omer El Beşîrî bi derbeya leşkerî ji kar hajîtibû girtin.

Serokkomarê ku bi darbeya leşkerî hatibû ser kar piştî 30 salan dîsa bi darbeya leşkerî ji kar hatibû girtin.

Him artêş û him jî Hêzên Piştgirîya Bilez di wî karî da rol girtibûn.

Ji sala 2019an vir ve hewldanên ji bo avakirina hikûmeta demkî ji berdewam dikin.