Di van rojan de, li kolanên Amedê teşqeleyek dest pê kiriye.
Pîştî erdhêja 6ê Sibatê li bajêr bi sedan avahî zirar dîtin. Kesên di wan malan de bûn jî niha ve nav hewla koçkirinê de ne.
Di nava bajêr de niha koçeke navxweyî heye.
Ji bo dîtina wan avahiyan em berê xwe didin navçeya Baglera.
Dema em li taxa Muradiyeyê digerin em rastî malbateke tên ku ji avahiyeke 8 qatî eşyayên xwe derdixînin.
Pişti ku em silav didin wan, 2 jin nêzîkî me dibin û di heman demê de dest bi axaftinê dikin.
“Yên mane jî wekî me neçar in..”
Ka ji xêra xwedê halê me binivîsînin. 18 roj e em perîşan bûne. Ji avahiya me re dibêjin xisar tê de heye. Em her şev diçin li mizgeftê radizên sibehê tên li xaniyên kirê digerin. Ji ber tirsa erdhêjê em nikarin bikevin avahiyê. Em niha digerin nagerin xaniyekê kirê nabînin. Yên hene jî kirêya wan du sê qat in. Di vir de kesek nemaye. Yên mane jî wekî me neçar in.
Aycan Menteş
Aycan Menteş ji wan malbatan tenê yeke ku ji ber neçariyê nizane çi bike.
Ne dikare ji xanî derbikeve ne jî dikare têkevê.
Ew û biraziya xwe çentê li pişta wan ji me dur dikevin.
Navçeya Baglera ya Amedê di salên 90an de gelek koçan girtiye.
Him ji kesên xizan re û him jî kesên koç kirine re bûye war.
Em di kolanên Baglera de rastî yek ji wan malbatan tên.
Me di salên 90an de ji Licê koçî vir kir. 30 sal e em livirin. Me bi zor û zehmet ji xwe re xaniyeke girt û niha jî ew jî ji destê me çû. Min xaniyek kirê kir 6 hezar lîre dixwazin. Ka em ê çawa bikin. Em naçar in neçar…
Wekî kekê Şikrî bi sedan kes di rê ya koçberiyê de ye.
Pişti erdhêjê ji navçeyê rojane bi dehan mal xaniyên xwe bar dikin û ber bi cihekê din ve diçin.
Li gor reqamên fermî li bajar ji bo hezar û 100 avahiyan biryara hilweşandina bilezginî hatiye dayin.
Xisara herî zêde jî li navçeya Baglera ye.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
