Li Amedê jî hemî cure çalakî hatin qedexekirin

Li Amedê jî hemî cure çalakî hatin qedexekirin
Li Amedê jî hemî cure çalakî hatin qedexekirin
Botan Times

Li Amedê hemî cure çalakî û xwepêşandan hatin qedexekirin.

Wezareta Karên Navxwe ya Tirkîyeyê ragihandibû ku wan qeyûm tayîn kirîye bo şaredarîya Colemêrgê.

Li ser vê yekê li Colemêrgê hemî cure çalakî û xwepêşandan hatin qedexekirin. Piştî Colemêrgê walitîya Amedê jî ragihand ku hemî cure çalakî û xwepêşandan qedexe ne.

Li gorî daxuyaniyê hemû meş, xwepêşandan, civînên çapemenîyê, grev, vedana konan û çalakîyên rûniştinê hatine qedexekirin. Qedexeyê îro dest pê kirîye û dê çar rojan berdewam bike.

Îro, serokwekîla koma DEMê Gulistan Kiliç Koçyîgîtê ragihandibû ku dê DEM Partî li ber hemî şaredarîyan dest bi çalakîyên nobetê bike.