Li welêt dibin sîya erdhêjê û hilbijartinê da Cejna Remezanê tê pêşwazî kirin.
Ji niha da li sûk û kolanên Amedê da xirecira cejnê dest pêkiriye.
Sûkên dîrokî û navendên danûstandinê û bazarên li taxan qerebalix in.
Esnafên Amedê dibêjin, di remezanê û Cejna Remezanê da jî bereket nehiştine.
Firat ê ku şekirên cejnê difiroşe li ser dezgaha xwe bang li xelkê dike.
Ew dibêje şekir bûye kara borsa.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
“Ne tê kirîn ne tê firotin, em haho dikin”
Salê carekê cejna e, ew jî ji çavê miletî tê. Me salên borî zêdetir şekiran difirot. Par kîloya şekiran 50 lîreyan bû niha bûye 80-90 lîre. Şekir bûye kara borsa. Her kes bi reqemeke difroşe. Çarşî tije ye lê milet nekare bikire. Ne tê kirîn ne tê firotin. Em haho dikin.
Firat
“Xwedê heqê me nehêle”
Jina bi navê Fatma bi tevî hevserê xwe li ber dikaneke sekiniye û şekiran distine.
Em nêzî wê dibin û ji bo cejnê çi amadekariyan kiriye em jê dipirsin.
Fatma ji bûhayê kel û pelên xwarin û vexwarinê gelek bi gazinc e.
Wê salên borî 6 kîlo şekiran dikirî niha encax dikare 2 kîloyan bikire.
Ji ber bûhayê şekir gelek zêde bûye em hindik hindik belav dikin. Par çiqas bû niha çiqas e.Ma hûn jî nabînin 7 kat hatiye ser. Xwedê heqê me nehêle.
Fatma
“Bûhayê şekir sê kat zêde bûye lê maaşê me di cîhê xwe da ye”
Hevserê Fatma jî li ber dikana şekiran sekiniye û bo alîkariya hevsera xwe şekiran hildibijêr e.
Li gor wî li Tirkiyeyê rojane bûhayê her tiştî zêde dibe lê maaşê wan di cihê xwe da sekiniye.
Par me bi 30 lîreyan şekiran dikirî niha bûye 90 lîra. Ger erzan bûna me yê 10 kîloyan bikirîya. Lê de ka were bi vê pereyê bikire.
Ji ber qeyrana aborî ya li welêt şekirê ku sembola cejnê ye jî ji bûhabûnê para xwe girtiye.
Şekirê sala borî bûhayê wê 55 lîreyan bû ji sedî 32 zem hatiye ser û bûye 99 lîre.
- Gülistan Korban Rençber nûçegihan û edîtora Botan Timesê ye. Wê di sala 2013an de li bajarê Amedê li televizyoneke heremî ya bi navê Gun Tv’ye bi nûçegihantîyê dest bi kare xwe yê rojnamevanîyê kir. Piştre derbasê televizyona bi navê Azadî Tvyê bû û li wir edîtorîya nûçeyên Kurdî kir û nûçe pêşkeş kirin. Bi girtina Azadî TVyê re di 2016an de li malpera 1HaberVarê wekî edîtora nûçeyên Kurdî dest bi kar kir û di heman demê de malperêbernameyek çêkir û pêşkeş kir. Wê wek rojnamegera serbixwe ji bo bianet, PodcastKurdî û Botan Timesê kar kiriye.
Weşanên dawiyê
Nivîskar21/03/2024Li bin baranê Newroza Amedê û peyamên Leyla Zanayê 
Nûçe19/03/2024Namzedê Yenîden Refahê: Ev bajar ne layiqî vê xizmetê ye
Hevpeyvîn13/03/2024Namzeda CHPyê: Koperatîfên jinan projeyên me yên sereke ne
Nûçe08/03/2024Namzedê Saadetê: Şaredariya Diyarbekirê ne 8 sal in, sed sal in ji aliyê qeyûman ve tê birêvebirin!
