Îro êrîşên Îsraîlê li başûrê Beyrûtê û derdoran wê pêk hatine. Li gorî çapemenîya fermî ya Libnanê, balafirên şerî yên Îsraîlê çar êrîşên tund li ser taxên başûrê Beyrûtê û êrîşek li ser herêma Şwêfatê pêk anîne. Nûçegihanên li Beyrûtê dengê teqînan bihîstine û dûman li herêmên hatine dîtin.
“Îsraîl dê tolê ji Îranê hilde”
Berî vê yekê, berdevkê leşkerî yê Îsraîlê gotiye ku ew ê bersiva êrîşa Îranê ya bi mûşekan bidin, lê dem û cihê wê hê ne dîyar e. Rear Admiral Daniel Hagari dîyar kiriye ku ew ê li gorî fermana rêvebirîya sîyasî tev bigerin.
Îranê hişyarî daye Îsraîlê
Ji alîyê din ve, Îranê hişyarî daye ku her êrîşeka Îsraîlê dê bi bersiveka “hê bihêztir” were bersivdan. Wezîrê Karên Derve yê Îranê Abbas Araghchi li Şamê gotiye ku ji bo her kiryarekê, dê bersiveka wekhev û hê xurttir ji alîyê Îranê ve were dayîn.
Netanyahu rexne li Macronî girtiye
Serokwezîrê Îsraîlê Benjamin Netanyahu, Serokê Fransayê Emmanuel Macron rexne kiriye ji ber ku wî xwestiye şandina çekan bo Îsraîlê were rawestandin. Netanyahu gotiye ku Îsraîl dê bi piştgirîya wan an jî bê piştgirîya wan bi ser bikeve, lê fedîya wan dê piştî ku şer bi dawî bibe jî bidome.
Serokê Îrlandayê nerazîbûna xwe nîşan daye
Serokê Îrlandayê Michael Higgins jî rexneya xwe li hember daxwaza Îsraîlê ya ji bo ku hêzên aştîyê yên Neteweyên Yekbûyî cihên xwe li başûrê Libnanê biterikînin, nîşan daye. Wî ev yek wek “şermezarîyê” bi nav kiriye.
Çavkanî: The Guardian
Wêne: I Stock
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
