Heke te nameyek ji xwedê ra binivîsîya dê te çi bigota?
Di vê gerdûnê de tu tenê yî û di vê dinyayê de ez tenê me were em çayekê vexwin û dev ji vê tenêtîyê berdin!
Kesayetê/a tu herî zêde jê hez dikî kî ye?
Kesayet ne, ji mirovên têkoşer hez dikim û hêzê jê digirim.
Heke te bo xwe cîhanek ava bikira te nedixwest çi lê biqewime?
Helbet şer û zilim.
Kîtêba herî zêde tu jê hez dikî kîjan e?
Lord of the flies – William Golding.
Gava tu mirî bi taybet dixwazî kî bê ser gora te, çima? (mirî an sax ferq nake; bi du risteyan)
Bila Meyramxan bihata û strana Qomrîkê bigota.
Herî zêde çi te xemgîn dike?
Girîna zarokan û fikra wendakirina malbata xwe.
Heke te navek li bircên Dîyarbekirê bikolaya ev dê navê kê bûya?
Fîdê (him navê min him jî navê pîrîka min ya mezin e)
Te dixwest li kîjan serdemê bijî?
Sedsala 20mîn, li nava Sûrên Amedê wekî tehmîrkarê radyoyan.
Heke cardî bihatayî dinyayê, te yê çi tişt cardî bikira?
Min ê berêvarekê li nav daristanê, di hembêza daran de sitran bigota.
Beriya mirina xwe herî pir dixwazî çi pêk bînî?
Ji çar alîyên welatê xwe stranên gelerî ku aîdê wê heremê ne, berhev bikim û albûmekê ji wan çêbikim.
Tu herî zêde çi xeyal dikî?
Li gundî, şevek ligel dapîrên xwe yên mirî, heta roj hil tê sohbetê bikim û stranan bibêjim.
Li vê heyatê çi di dilê te da bûye kûl û derd?
Berîya ku dapîra min bimire min ligel wê zaf sohbet nekir û ev ji min re bûye kul û derd.
Heke te bixwesta tiştekî xwe biguherî ew dê çi bûya?
Min dixwest bêxemiya xwe û dilnermîya xwe bigûherînim.
Serkeftina te ya herî mezin çi ye?
Li pey çanda xwe çûme/diçim û stranên bi zimanê dayka dibêjim.
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
