Li gor nûçeya Soha Ezzi ya li Amargiyê Taxa Zoravayê ya Şamê malbatên Kurd ji ber zext û operasyonên hêzên çekdar malên xwe diterikînin. Piştî bangên cîhadê yên li dijî Kurdan, hêzên ewlehîyê dorpêçek danîye ser taxê. Niho li xalên kontrolê nasnameya etnîkî ya Kurdan dibe sedema asteng û lêgerînan.
Dîroka taxeka bi keda destan
Kurd berî hezar salî li Şamê bi cih bûne. Taxa herî mezin a Kurdan “Hayy al-Akrad” bû û paşê navê wê wekî “Rukn al-Dinî” hate guhertin. Taxa Zoravayê jî di salên 1970yî de bi keda karkerên Kurd ava bû. Navê Zoravayê tê wateya “bi zor û zehmetîyê ava bûyî” ji ber ku şaredarîyê her dem xanîyên wan xira dikirin.
Zorava neynika Rojavayê ye
Şerê navxweyî yê Sûrîyê û geşedanên li herêmên Kurdan bandoreka rasterast li Zoravayê kir. Di Kanûna pêşîyê ya 2024an de bi hatina desthilatdarîya nû re serdemeka nû dest pê kir. Her çend agirbestek pêk hatibe jî, Kurdên Şamê ji rewşa şerî guman dikin. Li taxê nêzî 50 hezar Kurd dijîn û niho gelek ji wan ji ber tirsê ala û wêneyên xwe vedişêrin.
Hişyarîya ji bo paşerojê
Hunermend û niştecîyên taxê dîyar dikin ku bangên cîhadê û sirûdên olî yên li kolanan wan ditirsînin. Ev rewş serdema DAIŞê tîne bîra wan. Komîteya taxê ji parêzgarê Şamê daxwaz kir ku rûmeta Kurdan biparêzin. Şertê sereke yê aramîyê ew e ku hêzên Şamê êrişên li ser herêmên Kurdan bidawî bikin.
Çavkanî: Botan Times, Amargî
sitesinden daha fazla şey keşfedin
Subscribe to get the latest posts sent to your email.
