”Krîza aborîyê pirrtir li pirtûkên kurdî dixe, em dîsa pirrtûkên tirkî gelekî difiroşin”
Weşangerî û pirtûkfiroşîya kurdî jî ji ber rewşa tirkîyeyê ya aborî di rewşeka ne baş de ye.
Pirtûkakurdî, 7 sal in ava bûye û pirûkfiroşîyê dike. Herweha Weşanxaneya Darayê jî di bunyeya wê de ye û weşangerîyê jî dike.
Xebatkara PirtûkaKurdî.comê Berfîn Huseynîyê li ser rewşa dawîyê ya weşangerî û pirtûkfiroşîyê de bi me re axivî. Huseynîyê diyar kir ku êdî ji ber rewşa aborî xwîner pirtûkan nakirin û wiha got:
”Berê em serê sibehê dihatin kelecan û mijûlîyeka zêde hebû, kar baş bû û sîparîş pirr bûn. Aniha herî zêde em sibehê saetek-saetek û nîvê dixebitin û xilas dibe kar. Sîparîş tune ne, wekî din çûn û hatina li dikanê jî gelekî kêm bûye.”
Huseynîyê eşkere kir ku di derbarê weşangerîyê de jî ew di rewşeka ne baş de ne:
”Gava dosyayek tê ber destê me û em ji matbaayê fîyatekî distînin, gava 2-3 rojan dereng dikeve dosye em nikarin dîsa heman bûhayî ji matbaayê bistînin. Her roja ku dolar zêde dibe bûhayê matbaa dide me jî pê re zêde dibe.”
Lê tişteka balkêş heye ku gava bûhayê pirtûkan zêde dibe xwîner ewil pirtûkên kurdî ji tûrikê xwe derdixin û yên tirkî dihêlin. Huseynîyê li ser vê meseleyê jî wiha got:
”Balkêş e ku kiryarîya pirtûkên kurdî niha sekinandî ye lê weka PirtûkaKurdî sîparîşên ji me re tên pirrtir ên tirî ne. Niha meyla milet zêdetir çûye ser pirtûkên tirkî, em nizanin vê yekê jî bi çi ve girê bidin.”
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
