Şîrketa Korekê li gel Dezgeha Ragihandin û Medyaya Iraqê (CMC) li hev kiriye ku dê di şeş salan de 1.25 milyar dolarî bide Bexdayê. Piştî vê lihevkirinê dê astengîyên li ser torê bên rakirin.
Astengî dê bên rakirin
Serokê Komîteya Veguhestin û Ragihandinê ya Parlamentoya Iraqê Zehra El-Beqerî dîyar kiriye ku piştî dayîna pereyan dê astengîyên li ser torê bên rakirin. Ev astengî nêzî salekê ye ku li ser Korekê hene.
Ji ber çi asteng kiribûn
CMCê sala borî ragihandibû ku maweyê destûra Korekê qediyaye û şîrket pereyên xwe nedaye. Ji ber vê yekê têkilîyên Korekê bi torên din ên wek Asiacell û Zainê re hatibûn qutkirin.
Korek hîn bêdeng e
Heta niho Korekê li ser vê lihevkirinê tu daxuyanî nedaye. Lê berê gotibû ku ew bi awayekî yasayî kar dikin û amade ne pirsgirêkan çareser bikin.
Bandora li ser bikarhêneran
Nêzî salekê ye ku bikarhênerên Korekê nikarin bi torên din re têkilî daynin û peyaman bişînin. Bi vê lihevkirinê dê ev pirsgirêk jî çareser bibe.
Çavkanî:
- Rudaw
- Botan Times
sitesinden daha fazla şey keşfedin
Subscribe to get the latest posts sent to your email.
