Koma şanoya kurdî Şaneşîn Performansê lîstika xwe ya nû derxist.
Koma Şaneşîn Performans dê bi lîstika xwe ya nû, ya bi navê Înfaz li pêşberî temaşevanên xwe be.
Înfaz, komediyeka absurd e li ser hewildana îdamkirina jineka ku ji ber xerabkirina exlaqê civakê, cezayê bidarvekirinê lê hatîye birîn.
Di lîstikê da 4 lîstikvan cih digirin û maweyê lîstikê jî 50’13 ye.
Nivîskarîya Înfazê ji alîyê Recep İçen ve hatiye kirin ku rejîya wê jî Recep İçen û Şêrko Janzêm kiriye.
Ew dê li Mêrdînê, promîyera xwe 15yê Cotmehê saet 20:00an li sehneya Şaneşîn Performansê bikin.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Piştî promîyerê, ew 21-28ê Cotmehê saet 20:00an li heman sehneyê dê bi du seansên din jî li pêşberî temaşevanên xwe bin.
Şaneşîn Performans 9ê Sibata sala 2022an, li Mêrdînê ji alîyê çend mamosteyên zimanê kurdî û dildarên hunera kurdî ve hatîye avakirin. Heta niha bi navê Penceşêr û Bêcir du lîstik berhem anîne. Ew derketine turneyan û wan li gelek bajaran lîstikên xwe pêşkêş kirine.
