Kêşanên rêzefîlma “MiGoo”yê dest pê kirine

Kêşanên rêzefîlma “MiGoo” li Batmanê dest pê kirin. Ekîba rêzefîlma “Îşev”ê ku ji hêla sed hezaran kurdan ve bi hezkirin dihate temaşekirin niha dîsa li Batmanê dest bi xebat û keşanên projeya xwe ya nû ya bi navê “MiGoo” kirine. Ekîbê kêşanên rêzefîlma Îşevê xilas kiribûn û niha heman ekîb, bi guherînên kast, mekan, çîrok û ekîba teknîk dest bi karê nû kiriye.

Kêşanên projeya nû berî du rojan dest pê kirine û dê beşên wê jî di demek nêz de bên weşandin. Di derbarê projeyê û kêşanan de lîstikvan Gulan Mizgînê çend agahî dane me û ev gotin:

“Me dest bi kêşanê kir lê weşandin hêj ne dîyar e, lê di demeka gelekî nêz de wê were ev teqez e. Temaşevan bi kelecanîyek mezin li benda rêzefîlma MiGoo yê ne. Li ser medya civakî şîrove û peyam gelek tên. Enerjî û atmosfera di nav lîstikvanan ezamet e. Enerjîyek pir bilind heye. Em ji xwe û ji rêzefilma xwe bi bawerin.”

Herweha ji setê jî çend wêne bi me re parve kirin: