Pirtûka bi navê “Keçên Kobanîyê” ya ku behsa têkoşîna li dijî DAIŞê dike, ji alîyê Dadgeheka Diyarbekirê ve hatiye qedexekirin. Biryar di 17ê Çirîya pêşiyê ya sala 2024ê de hatiye dayîn.
Pirtûka Gayle Tzemach Lemmonê ya bi Ingilîzî li Amerîkayê hatî çapkirin, ji weşanxaneya Avestayê bi zimanê Tirkî derketibû.
Qedexeya duyemîn
Dadgeha Cezayê ya 4an a Diyarbekirê ev biryar bi hejmara 2024/7039ê daye. Biryar hê negihîştiye weşanxaneyê. Berî niho jî, dadgeheka Îzmîrê di Adara 2023yê de pirtûk qedexe kiribû.
Weşana yekem
Pirtûk cara yekem bi navê “The Daughters of Kobani: A Story of Rebellion, Courage, and Justice” li Amerîkayê hatiye weşandin. Pirtûkên nivîskarê di sala 2021ê de di rêza pirtûkên herî zêde tên firotin a New York Timesê de cih girtiye. Çapa destî ya pirtûkê di 15ê Sibata 2022yê de derketiye.
Naveroka pirtûkê
Nivîskar Gayle Tzemach Lemmon di pirtûka xwe de li ser bingeha gelek hevpeyvînan çîroka têkoşîna keçên kurd dinivîse. Keçên kurd di sala 2014ê de li Kobanîyê li dijî DAIŞê şer kirine û serkeftineka girîng bi dest xistine.
Bandora navneteweyî
Keçên şervan ên di pirtûkê de behsa wan tê kirin, bi têkoşîna xwe ya li dijî DAIŞê bala cîhanê kişandine. Wan di heman demê de ji bo mafên jinan jî têkoşîn dane. Ji ber vê yekê, hêzên taybet ên Amerîkayê jî piştgirî dane wan.
Çavkanî:
Botan Times
The New York Times
Avesta
