Kanada ji bo welatiyên wê serdana Amedê bikin hewil dide bajêr ji listeya xwe ya sor ya serdanê derbixîne.
Li gor Amida Haberê, Kanada biryar da ku polîtîkayên xwe yên ewlehiya heremî revîze bike û ser vê biryarê dîplomatên xwe berîya hefteyekê şandin Amed û Mêrdînê.
Dîplomatên Kanadayê li Amed û Mêrdînê bi berpirsên sazîyên sîvîl re axifîn. Wan dîplomatên Kanadadayî piştî hevdîtinan bi raporekê dan zanîn ku Amed û Mêrdîn bi gastronomî û warên turîstîk dikarin bala welatîyan bikişînin û dîyar kirin bo ewlehîyê ti pirsgirêk nemaye.
Endamê Lijneya Rêvebirîya Yekîtîya Acenteyên Gerê yên Tirkîyê (TÜRSAB) Mehmet Akyil got ku jiber şerê li Sûrîyê gelek welatên Ewrupayê bajarên herêmê kirine lîsteya sor, lê dîplomatên Kanadayê di serdana dawî de dîtin ku Amed ji sînor dûr e û bajarê aramîyê ye.
Akyil bi lêv kir ku wan gelek sefîrên Ewrupayê vexwendine Amedê û got ku ger bajar ji lîsteya sor were derxistin ewê bi sed hezaran turîst werin bajêr.
Kanada di halê hazir de bang li welatîyên xwe dike ku heta ne mecbûr be neçin Amed, Bedlîs, Batman, Çewlig, Colemêrg, Kilis, Mêrdîn, Dêrsim, Sêrt û Şirnexê.
sitesinden daha fazla şey keşfedin
Subscribe to get the latest posts sent to your email.
