“Jiyana me, mala me, Tv û radyoya me bû, niha ew jî çû”

Me di sala 1993an de dest bi weşanê kir. Ji wê salê heta îro tû carî weşana me ewqasî nesekinî ye. Erê em bişans in ku em dijîn. Lê jiyana me, mala me, Tv û radyoya me bû. Niha ew jî çû. Ahmet Dalgiç Gerînendeyê Weşana Can Radyo Tvyê Ahmet Dalgiç, piştî erhêjê rewşa televîzyona […]

“Jiyana me, mala me, Tv û radyoya me bû, niha ew jî çû”
“Jiyana me, mala me, Tv û radyoya me bû, niha ew jî çû”
Gulistan Korban
  • 22 Şubat 2023 15:01
Gerînendeyê Weşana Can Radyo Tv yê Ahmet Dalgiç

Me di sala 1993an de dest bi weşanê kir. Ji wê salê heta îro tû carî weşana me ewqasî nesekinî ye. Erê em bişans in ku em dijîn. Lê jiyana me, mala me, Tv û radyoya me bû. Niha ew jî çû.

Ahmet Dalgiç

Gerînendeyê Weşana Can Radyo Tvyê Ahmet Dalgiç, piştî erhêjê rewşa televîzyona xwe bi van gotinan tîne ziman.

Buroya wan jî di avahiya Galerîayaya Amedê de bû ku niha tê xirakirin.

Erdhêjê wekî gelek kesî tesîrê li hempîşeyên me jî kir.

Avahiya me ya Can Radyo-Tvyê ji sala 2002an vir ve li Galerîyayê ye. Di erdhêjê de li bloka me tu zirar û zîyan çênebû. Li gel wê jî destûr nehat dayîn ku em bikevin avahiyê û amûrên xwe yên weşanê bigrin. Niha tu tişteke me nema. Hemû amûrên me yê wêşanê di wê avahiyî de ye. Kirîna wan jî gelekî zehmet e.

Gerînendeyê Weşana Can Radyo Tv yê Ahmet Dalgiç

Li cihê ku ewqas eş têne kişandin…

Di avahiya Galerîayê de bûroya Ajansa Surê

Di avahiya Dîyar Galerîyayê de buroya Ajansa Surê jî hebû.

Ajansa Surê ku beriya du salan hatibû damezrandin bûroya wan jî dê di binê xirabeyên avahiyê de bimîne.

Di dema xirakirina avahiya Galerîayayê de em rastî yek ji avakarê ajansê Rojnameger Arîf Bulut tên.

Bulut li ser xirakirina avahiya ku buroya wan jî tê ye ji me re wîha dibêje;

Ajansa Surê, min û hevalekî xwe me bi keda xwe avakir. Avahiya ku buroya me jî tê de ye niha wê bê hilweşandin. Erê hin tîştê me di hûndîr de ye. Lê li cihê ku ewqas eş tê kişandin nabe em behsa van tiştan bikin.

Rojnameger Arîf Bulut

Rojnamegerên li herêmê jixwe zehmet karê xwe dikirin.

Pîştî erdêjê barê wan girantir bû. Ji cîh û amûrên xwe yên teknîkî jî bûn.