Jimara 30î ya kovara Dilopê derketiye. Di vê hejmarê da mijarên sereke erdhej û hilbijartin e.
Hejmara nû ya Dilopê wekî hejmara mehên Nîsan û Gulan a 2023yan li pêşberî xwendevanan e.
Di vê hejmarê da Ozkan Zulfîkar, Bîlge Seçkîn Çetînkaya, Sedat Yilmaz, Vecdî Erbayî derbarê erdhejên 6ê Sibatê de bi tirkî nivîsine.
Her weha Serpîl Îlgunê derbarê erdhejê de bi Prof. Dr. Hatîce Karakûşê re û disa bi Dr. Zafer Yorukî re, Bulent Ûlûsî jî bi Fotî Benlîsoyî derbarê erdhej û encamên wê de axivîne.
Memed Xetîb Etmankî bi kurdî nivîsek, Welat Dilkenî û Firat Keklîk jî her yekî helbestek li ser erdhejan nivîsandiye.
Di hejmara 30î da wêneyekî ku Fewzî Bîlgeyî derbarê erdhejan de xêz kiriye, hatiye bikaranîn.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Ji bilî van nivîsan her weha Cemîl Ogûzî, derbarê fîlmê Aram Dildarî yê bi navê “Navnîşan”ê de bi kurdî nivîsiye.
Kovara Dilopê kovareka hunerî, polîtîk û çandî ye û du mehên carekê derdikeve.
