Ji hilbijartinên parlementoyê û yê serokkomarîyê ku dê di 14ê Gulanê da bên lidarxistin 14 roj mane.
Di derbarê hilbijartinan da kî çi got me di nûçeya xwe da komkir.
HDPyê bang li muxalafetê kir: Li hemberî van operasyonan bisekinin
Berîya çend rojan li hemberî rojnameger, siyasetmedar, parêzer û hunermendan operasyoneke berfireh hate lidarxistin.
Desteya Rêveber Navendî ya HDPyê ev yek wekî ‘operasyona hilbijartinê’ binavkir û bang li muxalefetê kir.
HDPyê got, “Li hemberî vê komploya hilbijartinê bisekinin! Ev li ser me hemûyan e. Ev operasyona dizîna sindoqan û îradeya gel e. Ger em li hemberî van operasonan bê deng bimînin wê ev tevgera faşît hemû kes û aliyan bike hedef.”
Nêrîna The Observerê ya li ser Tirkiyeyê: Dem dema guhertinê ye
Edîsyona Yekşemê ya Rojnameya rojnameya The Guardîanê, The Observerê îro yek ji sernivîsên xwe yên sereke li ser hilbijartinên Tirkîyeyê weşand.
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Di ser nivîsa bi navê ,”Erdogan hîn lawaztir xuya dike” da şîroveya ‘dema guhertinê ye’ hate kirin.
Namzetên Parlementerîyê yên Partîya Çepên Kesk hatine desteserkirin
Di çarçoveya lêpirsîna ku ji aliyê Serdozgeriya Komarê ya Stenbolê ve hatiye destpêkirin danê sibê li gelek bajaran bi ser malan da girtine.
Di nav da Hevserokê ESPyê Şahîn Tûmûklû jî heye nêzî 20 kes hatine desteserkirin.
Di nava kesên hatin binçavkirin da, Namzeta Wekîla Partiya Çepên Keskan a Stenbolê Burcu Ayyildiz, Namzeta Wekîlê Partiya Çepên Keskan a Îzmîrê Meryem Yildirim û namzetê Wekîlê Partiya Çep a Keskan a Eskîşehîrê Mûslûm Koyun jî hene.
- Gülistan Korban Rençber nûçegihan û edîtora Botan Timesê ye. Wê di sala 2013an de li bajarê Amedê li televizyoneke heremî ya bi navê Gun Tv’ye bi nûçegihantîyê dest bi kare xwe yê rojnamevanîyê kir. Piştre derbasê televizyona bi navê Azadî Tvyê bû û li wir edîtorîya nûçeyên Kurdî kir û nûçe pêşkeş kirin. Bi girtina Azadî TVyê re di 2016an de li malpera 1HaberVarê wekî edîtora nûçeyên Kurdî dest bi kar kir û di heman demê de malperêbernameyek çêkir û pêşkeş kir. Wê wek rojnamegera serbixwe ji bo bianet, PodcastKurdî û Botan Timesê kar kiriye.
Weşanên dawiyê
Nivîskar21/03/2024Li bin baranê Newroza Amedê û peyamên Leyla Zanayê 
Nûçe19/03/2024Namzedê Yenîden Refahê: Ev bajar ne layiqî vê xizmetê ye
Hevpeyvîn13/03/2024Namzeda CHPyê: Koperatîfên jinan projeyên me yên sereke ne
Nûçe08/03/2024Namzedê Saadetê: Şaredariya Diyarbekirê ne 8 sal in, sed sal in ji aliyê qeyûman ve tê birêvebirin!
