Muxalefeta Tirkîyê nîqaşên ser dîyarkirina namzetê opozîsyonê didomîne.
Hevserokê berê yê Partîya Demokratîk ya Gelan (HDP) Selahattîn Demîrtaş, ku li Girtîgeha Edîrneyê ye, bi rêka parezerên xwe ji Twitterê ser van nîqaşan daxuyanîyek belav kir.
Demîrtaş bi rêzetwîtekê dîyar kir ku divê armanca wan ser îqtidara milet be û divê ew li dora navan nîqaşên pûç nekin.
”Cumhurîyeta Tirkîyê ya me hemîyan e, jiber vê jî divê em bi berpirsîyan, bo berjewendîyên milet kar bikin, ev wezîfeya me ye.” Demîrtaş nîvîsî.
Wî da zanîn ku di hevkarîyê de luksa kesekî nîn e ku kesekî din tune hesab bike.
Dadgeheke Stenbolê hefteya borî cezayê girtîgehê û qedexeya sîyasî li Şaredarê Stenbolê Ekrem Îmamoglu birî ku wê ji çaxê vir ve nîqaşên ser namzetîya serokomarîyê ya muxalefetê gurtir bûne.
Demîrtaş di hilbijartinên herêmî yên 2019an de bi awayekî eşkere piştgirîya Îmamoglu kiribû.
HDP, ku tifaqa Ked û Azadîyê ava kiriye, dîyar dike ku ger di hilbijartinên serokomarîyê de namzet bi dilê wê be, ewê piştgirî bide.
