Ji bo sê bajaran qedexe hat ragihandin

Ji bo sê bajaran qedexe hat ragihandin
Ji bo sê bajaran qedexe hat ragihandin
Botan Times

Li sê bajarên Kurdistanê, li Amed, Mêrdîn û Bedlîsê, li ser biryarên Doza Kobanîyê 4 rojan hemî cure çalakî û xwepêşandan hatin qedexekirin.

Piştî dîyarbûna biryarên Doza Kobanîyê yên li ser sîyasetmedarên kurd li sê bajaran qedexe hatin ragihandin.

Ji ber dozê bi giştî 108 siyasetmedar û endamên HDPyê tên darizandin û 18 ji wan girtî ne.

Dadgehê bi hinceta 47 tawanên cuda bi giştî 42 sal cezayê zîndanê da hevserokê berê yê HDPyê Selahattin Demirtaş û 29 sal ceza jî da Figen Yüksekdagê.

Herwiha Şaredarê Bajarê Mezin ê Mêrdînê Ahmet Türk ji Doza Kobanîyê ceza wergirt.

Li gorî nûçeya Rûdawê daxuyanîya qedexeyan bi vî rengî ye:

“Ji bo parastina nîzam û ewlehiya giştî ya can û malê welatiyan, her cure çalakiyên ku tê xwestin li qadên vekirî werin li darxistin (kombûn, meş, daxuyaniya çapemeniyê, greva birçîbûnê, çalakiya rûniştinê, mîtîng, vekirina standê, vekirina konan, belavkirina belavok/broşur, daliqandina afîş/pankart û hwd… ji saet 18.45ê roja 16.05.2024ê heta saet 23.59ê roja 19.05.2024ê, di nav sînorên parêzgeh û navçeyên me de (herêma cendirmeyan jî tê de) 4 rojan qedexe ye.”

Botan Times sitesinden daha fazla şey keşfedin

Okumaya devam etmek ve tüm arşive erişim kazanmak için hemen abone olun.

Okumaya devam et