Niloofar Hamedi û Elaheh Mohammadi dê piştî 5 rojan vegerin girtîgehê. Berê jî ji ber heman sûcî 17 mehan di hefsê de mabûn. Dadgeha Îranê biryar daye ku her du rojnamevan dê 5 salan di girtîgehê de bimînin.
Tawanbarîya wan
Dadgehê ew bi “têkilîya li dijî ewlekarîya neteweyî” û “propagandaya li dijî Komarê” tawanbar kirine. Lê tawana têkilîya bi Amerîkayê re ji ser wan hatiye rakirin.
Çîroka Rojnamevanan
Hamedi ji rojnameya Shargh Daily û Mohammadi ji rojnameya Ham-Mihan di sala 2022ê de li ser mirina Jîna Emînîyê nivîsîne. Piştî nivîsînê ew hatine desteser kirin û 17 mehan di girtîgehê de mane. Di meha Çileya 2024ê de bi şertî hatine berdan.
Nerazîbûna Civakî
Bi hezaran rewşenbîr, hunermend û aktîvîstên Îranî ji bo efûkirina wan name ji dadgehê re şandine. Rojnamegerên Sînornenas jî bang li rayedarên Îranê kiriye ku biryara girtinê betal bikin.
Rewşa Rojnamevanan li Îranê
Ji 16ê Îlona 2022ê ve herî kêm 5 rojnamevanên jin li Îranê di girtîgehê de ne. Narges Mohammadi yek ji wan e û 13 salên xwe di hefsê de borandiye. Niho ew jî di girtîgeha Evînê de ye.
Çavkanî:
- Rojnamegerên Sînornenas
- Shargh Daily
- Ham-Mihan
- Botan Times
Ji ber krîza aborî ti xebatkarên daîmî yên Botan Timesê nînin. Murat Bayram bi dildarî weşanê didomîne. Heger hûn bixwazin em li ser pêyan bimînin piştgirîya me bikin. Ji bo piştgirîyê bibin abone. Ji 200 hezar xwendevanên me û 5 hezar şopînerên qenala me ya YouTubeyê li ser hev 500 kes bibin abone em dikarin li ser pêyan bimînin.
Botan Times - sitesinden daha fazla şey keşfedin
Subscribe to get the latest posts sent to your email.
