Wêne: Murat Bayram, arşîv
Wezareta Perwerdeyê ya Tirkîyeyê lîsteya kontenjanên dersdaran eşkere kiriye.
Îsal dê ji bo zaravayê Kurmancî 35 û ji bo Zazakî 15 dersdarên Kurdî bêne tayînkirin.
Wezareta Perwerdeyê ya Tirkîyeyê ku her sal 2-3 dersdarên Kurdî tayîn dikir. Îsal dê 50 dersdarên Kurdî tayîn bike. Ji van 35 mamosteyên Kurmancî û 15 jî dê mamosteyên Zazakî bin.
Li aliyê din roja tayînkirina 45 hezar dersdaran jî wek 8ê Gulanê hate diyarkirin. Wezîrê Perwerdeya Neteweyî Mahmut Ozerî dema tayînkirinê eşkere kiriye.
Ozerî gotiye “Em ê di navbera 2-6ê Gulanê de tercîhên tayinkirinê yên berbijêrên dersdarîyê werbigrin, em ê di 8ê Gulanê de jî encamên tayînkirinê eşkere bikin.”
Bi 100TLyan (3 Dolar) bibe abone. Ji bo medyaya Kurdî ya serbixwe #MeTuHeyî, heger ji te neyê 100 TLyan bidî, her tişt ji bo te belaş e lê heger tu bikarî heqê keda Kurdî bidî kerem bike bibe abone.
Ev du sal in li Tirkîyeyê ji bo dersên bijarte yên kurdî kampanya tê meşandin.
