Endamê Komîsyona Darayî ya Parlamentoya Iraqê Cemal Koçer gotiye ku ji ber metirsîya êrîşên Îsraîlê li ser Bîra Fawê, Iraq dixwaze şandina petrolê ji Herêma Kurdistanê ji nû ve dest pê bike.
Civîna li ser petrolê
Di roja yekê ya kanûna pêşiyê ya 2024ê de şandeka Wezareta Petrolê ya Iraqê ligel Komîsyona Darayî civîyaye. Di civînê de guherandina madeya 12ê ya yasaya budceyê hatiye gotûbêjkirin.
Metirsîyên ewlehîyê
Koçer gotiye ku berpirsên Wezareta Petrolê xemên xwe yên li ser êrîşên Îsraîlê li ser Bîra Fawê anîne ziman. Ji ber vê yekê ew dixwazin şandina petrolê bi rêya Boriya Ceyhanê ya Tirkîyeyê ji nû ve dest pê bike.
Guherandina yasayê
Li gor guherandina madeya 12ê, dê Wezareta Darayî ya Iraqê berpirsîyar be ji veguhestina dahatên petrolê bo Hikûmeta Herêma Kurdistanê. Lê ev yek dê bi şertê radestkirina petrolê bo Şîrketa Bazarkirina Petrolê ya Iraqê (SOMO) pêk were.
Çavkanî: Botan Times ji Rûdawê
