Îranê fûze berdane Îsraîlê li telavîvê û gelek bajarên dî dengê zingezinga sîrenan bilid bûye. Li reşiya esmanan agirê ji fûzeyan derdikevin dixweyîn. Hêj ne dîyar e ka ti zerer daye Îsraîlê an na.
Li gor nûçeya Rûdawê Îranê bi sedan fûze berdane. Li gor wê nûçeyê Pasdaran jî daxuyanî daye û diyar kiriye ku wan dest bi êrîşeka bi fûzeyan kiriye.
Herweha ajansê ragihandiye ku Balafirgeha Telavîvê ji ber wan êrîşan hatiye girtin.
Medyaya Îranê: Gelek fûze li axa Îsraîlê ketine
Ajansa Nûçeyan a Îranê, IRNAyê îdia kir ku gelek fûze li axa Îsraîlê ketine: Ji ber gelek fûze bi hev re hatibûn berdan hin li hewa hatine teqandin lê yên dî li axa Îsraîlê ketine.
Amerîkayê çi gotibû?
Serokê Dewletên Yekbûyî yên Amerîkayê (DYA) Joe Bidenî bi rêya dewleteka bi Îranê re têkiliya wê heyî peyamek ji Îranê re şandiye.
Li gor rojnameya Haaretsê ya Îsraîlê, Bidenî ji Îranê re gotiye heger vê carê ew bela xwe li Îsralê bide, Îsraîl dê Dronan bifirîne û fûzeyan bibarîne.
Piştî êrîşên Îsraîlê yên li ser Hizbûllahê yên vê hefteyê, edlahî li welatên derdorê neketiye.
Amerîkayê dema ji Îranê re behsa wê yekê kiriye ku ew ê nekare bedena Îranê bigire gotiye “dê zehmet be em wê (Îsraîlê) sînordar bikin.”
—
Wêne: SS, BotanTimes ji Sky Newsê
