Hûnermendên kurd ên li Ewropayê dixwestin li ser axa xwe bimirin: Mehdî Mutlu

Mehdî Mutlu, li Parîsê li ber Birca Eyfelê ye

Bernameya Mehdî Mutluyî ya bi navê “Mehdî Mêvan e” dest bi beşên li Ewropayê kir. Navê bernameya li Waar TVyê tê weşandin wek “Mehdî Mêvan e Ewropa” hat guhertin. Beşa yekem îro li YouTubeyê jî hat weşandin.

Şehrîbana Kurdî mêvana beşa yekem bû

Ji kezebê digotin

Ez dema hûnermendên li vê derê (Kurdistanê) û yên li Ewropayê tînim bîra xwe ferqa herî mezin di strangotina wan de bû. Yên vê derê bi devê xwe distirin yên wê derê ji nava kezeba xwe distiran. Ew tehsîra xerîbî û dûrbûnê, tenêbûn… di stranên wan de diyar dibû.
Mehdî Mutlu

Wesîyeta wan axa wan bû

Gelek stranbêjên em pê re axivîn wesiyeta xwe ji me re gotin. Wesiyeta wan ew bû ku wan dixwest li ser axa xwe bimirin û gora wan li ser axa wan be.
Mehdî Mutlu

Stresa Ewropayê kêmtir e

Li kolanên Ewropayê min xwe azadtir hîs dikir. Stresek li ser min nebû. Ji bo nimûne dema me bi Berfîn Aktayê li Stenbolê bername çêkirî stresek hebû. Min digot çêdibe ji nişkê ve yek derbikeve û bêje ev çi ziman e, we xêr e!
Mehdî Mutlu

Nivîskar/rojnameger

Murat Bayram

Avakarê Botan International û Botan Timesê ye.

Bayramî ji bilî medyaya kurdî ji bo The New York Times, The Guardian, Al Jazeera International, Deutsche Welle û Middle East Eyeyê kar kiriye.

Wî li bernameya fellowshipê ya Rojnamegerîya Dîjîtal ya Zanîngeha Oxfordê(Enstîtûya REUTERSî ya Xebatên Rojnamegerîyê) û li bernameya "lihevguhertina zanînê" li rojnameya The Guardianê li Ingilîzîstanê û Acadêmie Franceyê perwerde standiye.

Zanîngeha Kalîforniayê ya Los Angelesê(UCLA) xelata “Nivîsîna herî afrînêr û orjînal” û Yekîtîya Rojnamegerên Başûrê Rojhilatî xelata “Rojnamegerê salê” daye wî.

Nivîskarê “belkî îşev binive”yê ye (Weşanxaneya Avestayê, 2018). Ew yek ji nivîskarên Ferhenga Nûçegihanîya Zayenda Civakî: Kurdî-Tirkî û wergêrê 11 kitêban e. Wî edîtoriya 52 kitêban kiriye.