Hunermend Xelîl Xemgîn bertek da namzedê AKPyê

Hunermend Xelîl Xemgîn bertek da namzedê AKPyê
Hunermend Xelîl Xemgîn bertek da namzedê AKPyê
Botan Times
  • 29 Şubat 2024 09:53

Hunermend û stranbêjê qedîm Xelîl xemgîn bertek da AKPyê ku namzedê AKPyê yê Amedê ji bo kampanyaya xwe ya hilbijartinê strana wî bi kar anîye.

Li Tirkîye û Bakurê Kurdistanê dawîya meha Adara 2024an hilbijartinên şaredariyan pêk tên.

Namzedê Rezana Amedê yê AKPyê, strana Xelîl Xemgîn ya bi navê ‘Sebra Dila’ ji bo kampanyaya xwe ya hilbijartinê bi kar anîye.

Hunermend Xemgîn bi vîdeoyekê li ser Facebookê da zanîn ku wan strana wî bêyî ku destêra wî hebe bi kar anîne û bertek da vê rewşê.

“Pergaleka wisa ye, dewleteka zalimkar î wisa ye ku him çanda me talan dike him her tiştê kurd, her tiştê girêdayî çanda me qedexe dike, destûrê nade.

“Her wisa jî li meydanan, li qadan bi destên kurdên xwefiroş, kurdên bêrûmet, ewên ku minafiqtiya dînê xwe, îmana xwe, her tiştî dikin li meydanan ji bo mîtîngên hilbijartinê, ji AKP û MHPyê re stranên me dibêjin ji bo ku gel bixapînin, ji bo ku hestên însanan bixapînin.

Lê gelê me nayê xapandin, gelê me êdî hişyar e. Kurd ne kurdê berê ye. kurd dê li her nirxekî xwe xwedî derkeve. Nirxê me îro di vê hilbijartinê de Partîya DEMê ye.

DEM dê bi ser bikeve û gelê me dê ti carî qada têkoşîna xwe bernede, dê neyê xapandin û guh nede minafiqan, xwefiroşan, kesên ku aniha bi her tiştekî erzan dixwazin ku gelê me bixapînin. Ev gel êdî nema tê xapandin. Serkeftin a gelê me ye.”