Komeka çekdarî ya ku berê zêde nedihat naskirin, bi êrîşeka ji nişkê ve hikûmeta Esedî rûxand. HTS bûye hikûmeta de facto ya Sûriyê û statûya wê ya terorîstî bûye astengekê mezin.
NYyê alîkarî rawestand
Amerîkayê, Neteweyên Yekbûyî û welatên dî ji ber statûya terorê alîkariyên xwe ji bo hikûmeta nû ya Sûriyê rawestandin. Ev biryarê bûye astengekê mezin ji bo birêvebirina welêt û avakirina bingehên xizmetguzariyê.
Pisporan hişyarî dan
Pisporên herêmê ragihandin ku dewleteka lawaz û parçebûyî dê bibe cihê xurtbûna komên terorîstî yên wek DAIŞê. Wan got ku divê rê li ber meşrûîyeta HTSyê were vekirin.
Pedersenî pêşniyareka nû anî
Nûnerê taybet ê NYyê ji bo Sûriyê Geir Pedersenî di civîna xwe ya li Cenevreyê de dîyar kir ku HTS peyamên erênî dişîne û kiryarên wan jî vê yekê piştrast dikin.
G7ê piştgirî da prosesa siyasî
Rêveberên G7ê piştgiriya xwe ji bo proseseka siyasî ya Sûriyeyî dan. Lê li gorî biryara Konseya Ewlekariyê ya 2015ê, danûstandin bi HTSyê re qedexe ye.
El Şarayî hewl da tirsê bikuje
Serokê HTSyê Ahmed el Şarayî ji bo meşrûîyeta navneteweyî dest bi hewldanan kir. Wî xwest tirsa welatên navneteweyî ya ji ber girêdanên berê yên bi El Qaîdeyê re rake.
Pisporan rê nîşan dan
Pisporên navneteweyî gotin ku rêxistinên terorîstî berê jî bûne beşek ji hikûmetan, lê ev pêvajo demekê dirêj dixwaze. Lêkolîneran dîyar kir ku heta ku hikûmeta Amerîkayê garantiyan nede, kes dê newêre li derveyî dorpêçan tevbigere.
Çavkanî: Botan Times The New York Times
