HSD: Êrişên Tirkîyeyê dê bê bersiv nemînin

HSD: Êrişên Tirkîyeyê dê bê bersiv nemînin
HSD: Êrişên Tirkîyeyê dê bê bersiv nemînin
Botan Times

Hêzên Sûrîya Demokratîk (HSD) derbarê êrişên Tirkîyeyê daxuyanîyeka nivîskî belav kir.

Piştî şer û pevçûnên di navbera PKKyê û Tirkîyeyê yên li herêma Zapê, Tirkîyeyê gelek cihên Rojavayê bombebaran kirin.

Êrişên esmanî yên Tirkîyeyê li ser Rojavayê berdewam dikin ku di encama wan êrişan da zîyan gehişte gelek jêrxane û dezgehan.

Li gorî nûçeya Rûdawê di daxuyanîyê da hat destnîşankirin ku balafirên şer û dronan di du rojên dawî de sazîyên enerjiyê, santralên elektrîkê, embarên genim, îtfaîye, malên sivîlan, baxçe, rêyên sereke û derdora bajaran bombebaran kirine.

HSDyê herwiha ragihand ku di encama bombebaranan de wêraniyeke mezin çêbûye ku xizmetên enerjî, elektrîk û avê li ser bi sed hezaran kesî qut bûye.

HSDyê diyar kir ku bombebaranên ku sivîlan dikin armanc tawanên şer in.

HSDyê di daxuyaniya xwe de anî ziman: “Em tekez dikin ku mafê me yê rewa ye ku em bersiva êrişan bidin. Em dê gelê xwe û axa xwe ji her demê bi hêztir biparêzin. Şervanên me dê êrişên dewleta Tirk a dagirker bê bersiv nehêlin.”