Hêzên ewlehîyê yên hikûmeta nû ya Sûrîyê li rayedarekî payebilind ê rejîma Esed û hêzên leşkerî yên girêdayî serokê berê digerin. Ev yek ji alîyê Çavdêrxaneya Sûrî ya Mafên Mirovan ve hatiye ragihandin.
14 endamên hêzên hikûmetê hatin kuştin
Li gorî Wezîrê Navxweyî ê demkî yê Sûrîyê Mihemed Ebdulrehman, di êrîşeka çekdarên alîgirên hikûmeta berê de 14 endamên hêzên ewlehîyê hatine kuştin.
Li kê digerin?
Mihemed Kencû el-Hesen berpirsê dadwerîya leşkerî ya rejîma Esed bû. Brîtanyayê di sala 2023ê de el-Hesen ji ber “têkilîya wî ya bi zilkirina li gelê sivîl ên Sûrîyê” xistibû nav lîsteya cezayan.
Tengezarîya li bajarên rojavayê
Hêzên hikûmetê li herêma Tertûsê ya li qeraxa deryayê hatine bicihkirin. Li gorî ajansa nûçeyan a dewletê (SANA) ew hêz ji bo “parastina sivîlan û vegerandina ewlehî û aramîyê” hatine şandin.
Nerazîbûnên civakî derketin holê
Di hefteyeka borî de, endamên kêmneteweya Elewîyan li bajarên Laziqîye û Humsê nerazîbûna xwe nîşan dane. Şewitandina dareka Noelê li Şamê jî bû sedema nerazîbûnan.
Hikûmeta nû soza parastina kêmnetewan da
Ehmed el-Şera, rêberê komika Heyeta Tehrîr el-Şam a soz daye ku dê kêmnetewe bên parastin. Wezareta Ragihandinê ya demkî biryar daye ku weşandina naverokên “bi taybetmendîya mezhebî ku dixwaze cudahîyê belav bike” qedexe bike.
Çavkanî: Botan Times The New York Times
sitesinden daha fazla şey keşfedin
Subscribe to get the latest posts sent to your email.
