Hevserokê HEDEPê yê Bongilanê hate girtin

Hevserokê HEDEPê yê Bongilanê hate girtin
Hevserokê HEDEPê yê Bongilanê hate girtin
Botan Times

Hevserokê HEDEP’ê yê navçeya Bongilana Çewlîgê Ubeyîp Ozer jî di nav de 5 kes bi îdiaya “endamtiya rêxistinê” hatin girtin. 

Polîsan, 6 û 7ê Mijdarê li Çewlîgê û navçeyên wê Dara Hênê, Kanîreş û Bongilanê bi ser malan da girtîbû û 18 kes hatibûn desteserkirin ku Hevserokê HEDEP’ê yê Navçeya Bongilanê Ubeyîd Ozer jî di nav wan da bû. Desteserkirî hemû li Midûriyeta Polîsan a Çewligê hatibûn ragirtin.

11 kes ji wan piştî îfadeyên wan yên li midurîyeta polîsan hatin berdan, Hevserokê Partiya Wekhevî û Demokrasiyê ya Gelan (HEDEP) Ubeyîd Ozer, Mazlûm Serînyel, Abdûrrahman Sav, Şefîka Dogan û Alaattîn Narînç di nav de 7 kes sewqî Edliyeya Çewlîgê hatin kirin. 

Li gorî nuçeya Ajansa Mezopotayayê 7 kesên bi îdiaya “endamtiya rêxistinê” û “fînansekirina rêxistinê” tên sûcdarkirin piştî wergirtina îfadeyên wan yên dozgerîyê bi daxwaza girtinê sewqî Dadgeha Ceza ya Sulh a Nobedar hate kirin. Hevserokê HEDEP’a Bongilanê Ozer, Serînyel, Sav, Dogan û Narînç bi heman îdiayan ji aliyê dadgehê ve hatin girtin û 2 kes jî bi şertê kontrola edlî hatin berdan. 

Botan Times sitesinden daha fazla şey keşfedin

Okumaya devam etmek ve tüm arşive erişim kazanmak için hemen abone olun.

Okumaya devam et