Hevşaredara berê ya Kulpê Sadiye Suer ji ber axaftineka xwe ya di festîvalekê de cardî hatiye girtin. Dadgehê ji ber “propagandaya PKKê” cezayê 10 mehan daye Suer û ew şandiye girtîgeha Antalya Doşemealtiyê.
Axaftina di festîvalê de bû sedem
Suer di sala 2014an de ji lîsteya BDP’ê bibû hevşaredara Pasûrê. Şaredarîyê li Şenyaylayê festîvaleka bi navê “Hevdîtina bi Xwezayê re û Çanda Şenyaylayê” li dar xistibû. Dadgehê axaftina Suer a di vê festîvalê de wek “propagandaya rêxistinê” nirxandiye û ceza daye.
Berê jî 3.5 sal mabû di girtîgehê de
Hêzên ewlehîyê di 26ê Kanûna pêşiyê ya 2016an de êrîş biribûn ser mala Suer û ew desteser kiribûn. Piştî 11 rojan, bi îdîaya “endamtî û propagandaya rêxistinê” hatibû girtin. Suer 3.5 sal di girtîgehê de mabû û niho cardin hatiye girtin.
Çavkanî:
- Mahsum Suer
- Botan Times
